Berdintasun-planek lortu beharreko berdintasun-helburu zehatzak markatuko dituzte, baita haiek lortzeko jarraitu beharreko estrategiak eta jardunbideak ere; halaber, finkatutako helburu horien segimendua eta ebaluazioa egiteko sistema eraginkorrak ezarriko dituzte (Emakumeen eta gizonen arteko berdintasunari buruzko Lege Organikoa, 46. 1 artikulua). Europar Batasunean sortuak dira, emakumeen eta gizonen arteko berdintasuna lortzeko. Aukera-berdintasunerako plan ere deitzen dira. Bai estatuak, bai autonomia-erkidegoek onartu dute. Estatuko, Europar Batasuneko edo Autonomia-erkidegoetako politika guztientzako orokorrak izan daitezke, edo baita enpresentzat eta administrazio publikoentzat ere.
