“Genero-indarkeria da sexu femeninokoa izatea oinarri duen indarkeria-ekintza oro, emakumeei kalte edo sufrimendu fisiko, sexual edo psikologikoa eragitea ekar dezakeena, bai eta ekintza horien mehatxuak, bortxak edo askatasuna bidegabe kentzea, bizitza publikoan nahiz bizitza pribatuan gertatzen bada ere” (1/2004 Lege Organikoa, genero-indarkeriaren aurka babes osoa emateko neurriei buruzkoa, 1. artikulua). Genero-indarkeria gizarte batean dagoen desberdintasunaren adierazpenik bortitzena da. Emakumeen aurka, emakume izateagatik gauzatzen den indarkeria da, erasotzaileek uste dutelako emakumeek ez dituztela askatasun, errespetu eta erabakitzeko gaitasunari buruzko gutxieneko eskubideak. Indarkeria mota hori adin txikiko seme-alabengana ere heltzen da eta azken helburua emakumea mendean hartzea da.
