Emakumeen eta gizonen artean dauden desberdintasun sozialei (vs. biologikoak) erreferentzia egiten dien kontzeptua da. Desberdintasun horiek ikasiak dira, denboran zehar aldatu egin dira eta alde handiak daude bai kulturen artean, bai kultura beraren barruan ere. (Gizonen eta emakumeen arteko berdintasunaren gaineko terminoen Europako Batzordearen glosarioa, 1998).
Beijingen egin zen Emakumearen IV. Munduko Konferentziak (1995) generoaren kontzeptua bereganatu zuen eta hau adierazi zuen: “generoak emakume eta gizonentzat sexuaren arabera eraikitako rol sozialei egiten die erreferentzia, testuinguru sozioekonomiko, politiko eta kulturalaren araberakoak dira, eta beste faktore batzuek eragiten diote, hala nola adinak, klaseak, arrazak eta etniak”.
